নানা খেল নানা মজা - Assamese poem by Deepika Das

চেংগুটি খেলোঁ আমি

চেং পৰে পিছলি।

লুদুগুটি খেলি আমি

নপৰোঁ যে ভাগৰি।

লুকা-ভাকু খেলোঁ আমি,

খেলোঁ কইনা-দৰা।

হাইগুদু, কাবাডী খেলি

লাগে যে বৰ মজা।

ৰছী টনা খেল খেলি

পৰি যাওঁ উফৰি,

তথাপি নাহাৰোঁ আমি

দিওঁ গাৰ বল-শক্তি।

দুই বান্ধৱীৰ তিনি ভৰি

লাগে যে বিজুতি।

পাৰ-পানী খেলোঁ আমি

মন দি শুনি।

চকীত বহা খেল খেলোঁ

সংগীত শুনি শুনি।

এইদৰে নানা খেল খেলি আমি

কৰোঁ যে বহু ৰং-ধেমালি।

This is an original Assamese children centric poem written by Assamese poet Deepika Das.